Event

Home Minister 2025, Shriram Chowk

Home Minister 2025 at Shriram Chowk, Hadapsar witnessed massive participation, where thousands of women celebrated joy, unity, games, and grand prizes, creating an unforgettable festive atmosphere of excitement and empowerment.

Home Minister 2025, Tarwade Vasti

Home Minister 2025 at Tarawade Vasti, Hadapsar, hosted by Patole Wireman, saw thousands of women celebrate games, laughter, grand prizes, and unity, creating a vibrant, joyful, and empowering community festival experience.

Gangubai Sambhaji Shinde Navratri Festival 2025

Gangubai Sambhaji Shinde Festival 2025 featured a grand Raas Dandiya night with thousands celebrating music, devotion, and culture, highlighted by Girish Vishwa’s electrifying performance and vibrant community participation.

Home Minister 2025, Tarwade Vasti

तीच उत्कंठा,तोच उत्साह,तोच जल्लोष आणि पुन्हा एकदा पुणेकरांनी अनुभवला धर्मवीर आनंद दिघे दहीहंडीचा भव्य थरार..!!

पुण्यातील सर्वाधिक गर्दी खेचणारा, थरारक आणि रोमांचकारी सोहळा म्हणजे धर्मवीर आनंद दिघे दहीहंडी. हडपसरमधील श्रीराम चौक हजारो श्रीरामभक्तांच्या उत्साहाने अक्षरशः ओसंडून वाहत होता. सायंकाळी चार वाजता ढोलपथकांच्या गगनभेदी नादात सलामी देत सुरू झालेला हा नयनरम्य सोहळा तब्बल सहा तास चालत नागरिकांच्या उपस्थितीने यंदा नवा विक्रम प्रस्थापित करत गेला.

या सोहळ्याची रंगत अजूनच वाढली ती हडपसर विधानसभा मतदारसंघाचे लोकप्रिय आमदार चेतन तुपे आणि विधान परिषद आमदार योगेशदादा टिळेकर यांच्या घणाघाती भाषणांनी. त्यांच्या जोशपूर्ण शब्दांनी संपूर्ण चौकात उपस्थित असलेल्या हिंदुत्ववादी कार्यकर्त्यांच्या मनामध्ये नवचैतन्य संचारले.

यानंतर व्यासपीठावर आगमन झाले मराठी चित्रपटसृष्टीतील सर्वांचे लाडके विनोदी कलाकार भाऊ कदम यांचे. त्यांच्या खुमासदार शैलीत केलेल्या संवादांनी वातावरणात हास्याचे फवारे उडवले. त्याचवेळी त्यांनी ठाण्याचा विकास एकनाथ शिंदे साहेबांनी जसा घडवला, तसाच विकास हडपसरमध्ये नाना घडवत आहेत, अशी शाबासकीची थाप देत उपस्थितांमध्ये जल्लोषाचे नवे उधाण आणले सोहळ्याचा उत्कर्षबिंदू ठरला तो क्षण जेव्हा अण्णाभाऊ साठे मित्र मंडळ गोविंदा पथकाने आपल्या साहसाचे अद्वितीय प्रदर्शन करीत थरावर थर रचला आणि यंदाच्या धर्मवीर आनंद दिघे दहीहंडीचा मानकरी ठरून भव्य पारितोषिक पटकावले. हजारो गोविंदाभक्तांनी हा सोहळा प्रत्यक्ष अनुभवत उत्साहाचा, जल्लोषाचा आणि परंपरेच्या गौरवाचा साक्षात्कार केला.

हडपसर मतदार संघातील प्रभाग क्र 26 मध्ये 93 कोटींच्या विविध विकास कामांचा भव्य लोकार्पण सोहळा संपन्न..!!

संतसृष्टीच्या माध्यमातून हडपसर नगरीमध्ये साक्षात विठ्ठल अवतरले..!

हडपसर मतदारसंघातील प्रभाग क्रमांक २६ मधील ९३ कोटी रुपयांच्या निधीतून विविध विकासकामांचा लोकार्पण सोहळा राज्याचे उद्योग तथा मराठी भाषा मंत्री व शिवसेना पुणे जिल्हा संपर्क मंत्री उदय सामंत साहेब आणि रोहयो कॅबिनेट मंत्री भरतशेठ गोगावले यांच्या शुभहस्ते मोठ्या उत्साहात संपन्न झाला.

हडपसर विधानसभा मतदारसंघात उपमुख्यमंत्री एकनाथ शिंदे साहेब यांच्या नेतृत्वात आणि आपल्या माध्यमातून विविध विकासकामांना गती मिळाली असून हडपसर मतदारसंघातील प्रभाग क्रमांक २६ मधील ९३ कोटी रुपयांच्या विविध विकासकामांचा लोकार्पण सोहळा मोठ्या उत्साहात पार पडला. यामध्ये कै. दत्तोबा उर्फ आप्पा शंकरराव तरवडे संतसृष्टीतील २१ फुटी विठ्ठलाच्या भव्य मूर्तीचे आणि संतसृष्टीचे लोकार्पण, बाल उद्यान, कौसरबाग कोंढवा हडपसर येथील स्केटिंग ग्राउंड, महात्मा जोतिराव फुले जलतरण तलाव, कड नगर ते हांडेवाडी पीपीपी तत्वावर सुरू असलेल्या कामाचे लोकार्पण याचा समावेश आहे. संतसृष्टी ही विशेषतः पालखी मार्गामध्ये निर्माण केली असून 21 फूट उंचीची विठ्ठलाची मूर्ती ही पंढरीला निघालेल्या वारकऱ्यांसाठी मार्गामध्ये आशीर्वाद रुपी विठ्ठलाचे दर्शन घेण्याचा लाभ वारकऱ्यांना होईल. या भव्य दिव्य विठ्ठलाचे रूप बघून प्रत्येक वारकरी विठ्ठलाच्या चरणी नतमस्तक झाल्याशिवाय पंढरपूरला जाणार नाही एवढं मात्र निश्चितच.

उपमुख्यमंत्री मा. एकनाथ शिंदे साहेबांनी मुख्यमंत्री पदाच्या कार्यकाळात पुणे शहरात अनेक विकासात्मक बदल घडवून आणले. यासह हडपसर मतदारसंघासाठी देखील भरघोस निधींची तरतूद करून पायाभूत सुविधा सक्षम करण्यासाठी कायम पुढाकार घेतला आहे. सार्वजनिक जीवनात काम करत असताना लोकहिताला अधिकाधिक प्राधान्य देऊन कार्यरत राहत आहे. पीपीपी मत्त्वावर करण्यात आलेल्या बायपास मुळे हडपसर मतदारसंघातील लाखो नागरिकांची वाहतूक कोंडीतून सुटका होणार असून प्रवासाचा वेळ वाचणार आहे. जनतेच हित लक्षात घेऊनच नागरिकांना लागणाऱ्या सोयीसुविधा उपलब्ध करून देणं हे आपलं कर्तव्य आहे तसेच यापुढील काळात नागरिकांच्या गरजा लक्षात घेऊन त्या पूर्ण करण्यासाठी कटिबद्ध असल्याचा विश्वास उपस्थितांना दिला.

यावेळी हडपसर विधानसभा मतदारसंघाचे आमदार चेतन तुपे पाटील, धर्मवीर अध्यात्मिक सेनेचे श्री. अक्षय महाराज भोसले, जिल्हाप्रमुख उल्हास भाऊ तुपे, रमेश बापू कोंडे,युवासेना सचिव किरण साळी यांच्यासह महायुतीचे असंख्य पदाधिकारी, स्थानिक नागरिक व चिमुकले वारकरी मोठ्या संख्येने उपस्थित होते.

महाशिवरात्री निमित्त हडपसरमधील श्री सिद्धेश्वर महादेव मंदिरात भक्तांची अलोट गर्दी..!!

आज पवित्र महाशिवरात्री निमित्त श्री सिद्धेश्वर महादेव मंदिर, NIBM, हडपसर येथे शिवभक्तांनी मोठ्या संख्येने हजेरी लावली. पहाटेपासूनच “ॐ नमः शिवाय” च्या जयघोषात मंदिर परिसर भक्तिमय झाला होता.

महादेवाच्या दर्शनासाठी भाविकांनी मोठी रांग लावली होती. अभिषेक, महापूजा, रुद्राभिषेक आणि विशेष आरती यांसारख्या धार्मिक विधींमध्ये हजारो शिवभक्तांनी श्रद्धेने सहभाग घेतला. स्थानिक नागरिकांसह विविध भागांतून आलेल्या भक्तांनी महादेवाच्या चरणी नतमस्तक होत आपल्या परिवाराच्या सुख-समृद्धीसाठी प्रार्थना केली. शिवपार्वतीच्या अनोख्या विवाह सोहळ्याची वारात ही हडपसर मतदार संघातील तमाम शिवभक्तांसाठी विशेष आकर्षण ठरली. शेकडो नागरिक या शिवपार्वती विवाह सोहळ्याच्या वरातीत उत्स्फूर्तपणे सहभागी झाले होते

यावेळी मंदिर परिसर विद्युत रोषणाईने उजळून निघाला होता. विशेष म्हणजे अनेक चिमुकल्यांनी भगवान शंकराची वेशभूषा धारण करीत मंदिर परिसरात नागरिकांचे लक्ष वेधून घेतले होते, शिवभक्तांसाठी फराळाच्या वाटपाचेही विशेष आयोजन करण्यात आले होते. भाविकांच्या सुरक्षिततेसाठी स्वयंसेवक आणि परिसरातील ज्येष्ठ नागरिकांनी मोठ्या प्रमाणावर सहकार्य केले श्री सिद्धेश्वर महादेव मित्र मंडळ, आनंदवन विहार व परिसरातील सर्व सोसायट्यांच्या सदस्यांनी मोठी उपस्थिती दर्शवली .

महाशिवरात्रीच्या या पावन सोहळ्यात सहभागी झालेल्या सर्व शिवभक्तांना हर हर महादेव! जय भोलेनाथ!

‘धर्मवीर २’ ला हडपसरकरांचा उत्स्फूर्त प्रतिसाद..!!

साहेबांच्या हिंदुत्वाची गोष्ट सांगणाऱ्या ‘धर्मवीर २’ या चित्रपटाला सलग चौथ्या दिवशी पुणेकरांचा उत्स्फूर्त प्रतिसाद मिळत असून, नागरिकांची चित्रपट बघण्यासाठीची उत्सुकता यावेळी शिवाजीनगर येथील “INOX चित्रपटगृह दोराबजी मॉल येथे” दिसत होती. त्यावेळी नागरिकांनी, हिंदुहृदयसम्राट आदरणीय बाळासाहेब ठाकरे यांचे हिंदुत्व किती प्रखर होते. धर्मवीर आनंद दिघे साहेब यांच्या हिंदुत्वाच्या वाटेवर सन्माननीय मुख्यमंत्री एकनाथजी शिंदे साहेब कसे वाटचाल करत आहे हे या चित्रपटातून समजले या आशयाच्या अनेक प्रतिक्रिया हडपसरकरांनी व्यक्त केल्या. चित्रपट बघून बाहेर आलेल्या नागरिकांच्या चेहऱ्यावरील आनंदात साहेबांचं हिंदुत्व प्रकर्षाने जाणवत होत.

एक कट्टर शिवसैनिक म्हणून, धर्मवीर आनंद दिघे साहेब यांची हिंदुत्वाची कथा सांगणारा ‘धर्मवीर २’ हा चित्रपट अधिकाधिक हिंदुत्ववादी नागरिकांनी बघावा, साहेबांच्या हिंदुत्वाची कथा सर्वांना समजावी, यासाठी मी या चित्रपटाचे मोफत आयोजन केले असून हा चित्रपट १०,००० नागरिकांना मोफत दाखवण्याचा माझा संकल्प आहे. धर्मवीर २ चित्रपटाचे मोफत तिकीट सारस बागेसमोरील शिवसेना मध्यवर्ती कार्यालय येथे उपलब्ध असून पुणेकरांनी मध्यवर्ती कार्यालयात संपर्क करावा.मध्यवर्ती कार्यालयात मोफत तिकीटांची व्यवस्था करण्यात आलेली आहे.तरी या संधीचा फायदा घेत अधिकाधीक नागरिकांनी साहेबांच्या हिंदुत्वाची गोष्ट नक्कीच समजावून घ्यावी‌.यावेळी शिवसेनेचे हडपसर मतदारसंघातील पदाधिकारी व नागरिक मोठ्या संख्येने उपस्थित होते.जय महाराष्ट्र

धर्मवीर आनंद दिघे दहीहंडी उत्सव 2024 हा हडपसर परिसरात उत्साह, भक्ती आणि परंपरेचा संगम घडवून आणणारा भव्य सोहळा ठरत आहे. परंपरागत रंग, ढोल-ताशांचा गजर, गोपाळकाला संघांची उमेद आणि श्रीकृष्ण जन्माष्टमीची आनंदमयी वातावरणनिर्मिती या सर्वांचा एक सुंदर मिलाफ या उत्सवातून अनुभवायला मिळतो.

या वर्षीच्या दहीहंडी उत्सवात प्रथम पारितोषिक ₹ 7,17,171 ठेवण्यात आले असून, यामुळे अनेक गोपाळकाला पथकांमध्ये प्रचंड उत्साह आणि स्पर्धात्मक जोश निर्माण झाला आहे. सुरक्षितता, शिस्त आणि व्यवस्थापन यांना प्राधान्य देत सर्व पथकांना उत्तम वातावरण देण्याचा प्रयत्न या उत्सवात केला जात आहे.

हा भव्य कार्यक्रम शिवसेना शहरप्रमुख प्रमोद नाना भानगिरे यांच्या पुढाकाराने साकारला आहे. धर्मवीर आनंद दिघे यांच्या प्रेरणादायी कार्यशैलीतून, समाजाभिमुख उपक्रमांची परंपरा पुढे नेण्याच्या संकल्पातून हा सोहळा आयोजित केला जातो. नानांचे नेतृत्व, संवेदनशीलता आणि हडपसरवासियांसाठी असलेली प्रामाणिक भावना यामुळे दहीहंडी उत्सवाला नेहमीच वेगळेच माहात्म्य लाभते.

श्रीराम चौक, हांडेवाडी रोड, पुणे येथे हा सोहळा भव्य दिव्य रोषणाई, अत्याधुनिक लाईट्स, लेझर शो आणि सुव्यवस्थित स्टेज मांडणीसह आयोजित करण्यात आला आहे. परिसरातील नागरिक, श्रध्दा असलेले भाविक, तरुण गोपाळकाला संघ आणि मान्यवर यांची मोठ्या संख्येने उपस्थिती उत्सवाला अधिक उत्साहवर्धक बनवते.

यातून हडपसरमध्ये एकता, भक्ती, परंपरा आणि संस्कृतीची ताकद पुन्हा एकदा उजळून निघते. धर्मवीर आनंद दिघे यांच्या मार्गदर्शनात्मक कार्याला सलाम करत, प्रमोद नाना भानगिरे हडपसरमध्ये दहीहंडी उत्सवाची गौरवशाली परंपरा अधिक भव्य करण्याचे कार्य सातत्याने करत आहेत.

मुसळधार पावसानंतरही हजारो रामभक्तांच्या साक्षीने माननीय मुख्यमंत्री एकनाथ शिंदे साहेब यांच्या शुभहस्ते भारतातील सर्वात पहिल्या प्रभू श्रीराम यांच्या पूर्णाकृती शिल्पाचा उद्घाटन सोहळा संपन्न…!!

अभूतपूर्व व अविस्मरणीय अशा भारतातील सर्वात पहिल्या प्रभू श्रीरामंच्या पूर्णाकृती शिल्पाचा उद्घाटन सोहळा महाराष्ट्र राज्याचे मुख्यमंत्री शिवसेना मुख्य नेते माननीय एकनाथजी शिंदे साहेब यांच्या शुभहस्ते पार पडला. हडपसर मधील श्रीराम चौकात न भूतो न भविष्यती अशी गर्दी या सोहळ्याला झाली होती, रस्त्यांच्या दुतर्फा राम भक्तांची अलोट गर्दी तसेच जय श्रीराम चा हजारोंच्या संख्येने होणारा जयघोष, वाद्य पथक व आतषबाजीने संपूर्ण परिसरातील आसमंत दणाणून सोडलेला होता, माननीय एकनाथ शिंदे साहेब येण्याच्या काही वेळापूर्वीच मुसळधार पावसाने हजेरी लावलेली असतांनाही हजारो राम भक्त फक्त आणि फक्त प्रभू श्रीरामांच्या आस्थेसाठी व एकनाथ शिंदे साहेब यांच्या प्रेमापोटी श्रीराम चौकात उपस्थित होते. यावेळी माननीय एकनाथ शिंदे साहेब म्हणाले की आणि हिंदुहृदयसम्राट बाळासाहेब ठाकरे यांनी अयोध्येतील श्रीराम मंदिर उभारणीचे पाहिलेले स्वप्न पंतप्रधान नरेंद्र मोदी यांनी पूर्ण केले असून केंद्रीय गृहमंत्री अमित शहा यांनी काश्मीरमधील कलम 370 हटवले आहे. लाडक्या बहिणीकडून मुख्यमंत्री लाडकी बहीण योजनेचे जोरदार स्वागत होत असून लाडका भाऊ,ज्येष्ठ नागरिकांसह अनेक योजना कार्यरत होत आहेत विधानसभा निवडणुकीनंतर मात्र विरोधकांना कोणतेही काम राहणार नाही सर्व रामभक्तांनी मात्र आगामी विधानसभेत लोकसभेसारखे गाफिल राहू नका असे आवाहनही माननीय मुख्यमंत्री एकनाथ शिंदे साहेब यांनी केले. यावेळी विधान परिषदेच्या उपसभापती डॉ.नीलम ताई गोऱ्हे, आमदार चेतन तुपे पाटील, आमदार योगेश टिळेकर,माजी खासदार शिवाजीराव दादा आढळराव पाटील, माजी राज्यमंत्री विजय बापू शिवतारे व हजारो रामभक्त शिवसैनिक उपस्थित होते.

पुण्यातील शिवसेना भवनात साकारलाय,”एकतानगरीचा विघ्नहर्ता”..!!

पुण्यनगरीचे गणेशोत्सवाचे वैशिष्ट म्हणजे उत्सवात साकारण्यात येणारे देखावे.पुण्यातील शिवसेना मध्यवर्ती कार्यालयातील शिवसेना भवनात या वर्षी एकतानगरीचा विघ्नहर्ता हा देखावा साकारण्यात आला आहे. या वेळी जूलै महिन्याचा अखेरीस शहरात उद्भवलेल्या, पुरस्थितीच्या वेळी सिंहगड रस्त्यावरील एकतानगरी येथे मोठा महापूर आल्याने अनेक घरे पाण्याखाली गेली होती त्यावेळी शिवसेना पक्षातर्फे करण्यात आलेल्या मदतीचा देखावा उभा करण्यात आला आहे.

जनतेचे मुख्यमंत्री ही ओळख असलेले संवेदनशील मुख्यमंत्री एकनाथजी शिंदे साहेब यांनी ठाणे आणि बृहन्मुंबई महानगरपालिकेच्या मार्फत पुरग्रस्त भागातील नागरिकांसाठी युद्ध पातळीवर राबवलेली स्वच्छता मोहीम, लष्कराच्या मदतीने केलेले बचाव कार्य, शिवसेनेकडून त्यावेळी पुरग्रस्तांना देण्यात आलेली अन्नधान्याची मदत ,प्रशासनाबरोबर केलेले सहकार्य, तसेच जनतेचे मुख्यमंत्री एकनाथजी शिंदे साहेब यांनी मला संवाद साधत महापुरामुळे मोठ्या प्रमाणात नष्ट झालेली एकतानगरीतील युरो किडस् ही शाळा आम्ही पुन्हा नव्याने उभी केलेली यात दाखवलेली आहे.

राज्याचे विद्यमान लोकप्रिय मुख्यमंत्री एकनाथजी शिंदे साहेब हे जनतेसाठी किती संवेदनशीलतेने काम करतात. प्रसंगी कारच्या टपावर चढून नागरिकांनी संवाद साधतात. पुराच्यावेळी आपत्ती व्यवस्थापन दलांनी ,लष्कराने कशी मदत केली, हे यात दाखवण्यात आले आहे. देशातील महत्त्वाच्या राज्याचा मुख्यमंत्री कुटुंबप्रमुख म्हणून कसा असावा,याचा वस्तूपाठ इतर राज्याच्या मुख्यमंत्र्यांना नामदार एकनाथजी शिंदे यांनी कश्या प्रकारे घालून दिला आहे हेच या देखाव्यातून मांडण्यात आले आहे.

दसरा मेळाव्यासाठी शेकडो शिवसैनिकांसमवेत आझाद मैदानाच्या दिशेने..!!

आज वंदनीय हिंदुहदयसम्राट बाळासाहेब ठाकरे व धर्मवीर आनंद दिघे साहेब यांच्या हिंदुत्वाच्या विचारांचे सोने लुटण्यासाठी शिवसेना मुख्यनेते व दसरा मेळाव्याचे विचार मुख्य मार्गदर्शक लोकनेते, मुख्यमंत्री एकनाथजी शिंदे साहेब यांच्या तेजस्वी व ओजस्वी वाणीतून ऐकण्यासाठी शेकडो शिवसैनिकांसमवेत आझाद मैदानाच्या दिशेने रवाना झालो. आजच्या विजयादशमीच्या दिवशी आतुरता उत्कंठा फक्त दसरा मेळाव्याची,भेटूयात मुंबईत, जय महाराष्ट्र

हडपसरच्या मातीत काल अक्षरशः जल्लोष दुमदुमला—बैलगाडा शर्यतीचा थरार अनुभवण्यासाठी हजारो शेतकरी, गाडामालक आणि बैलगाडाप्रेमी एकत्र जमले. माझ्या वाढदिवसानिमित्त आयोजित केलेल्या मुख्यमंत्री केसरी बैलगाडा शर्यत 2023 ला महाराष्ट्रभरातून तब्बल साडेतीनशे सर्वोत्तम बैलगाडा पथकांनी हजेरी लावली.
या भव्य स्पर्धेचे आयोजन माझे स्नेही जीवनशेठ भानगिरे, करण दादा भानगिरे आणि माझे मार्गदर्शक बाळासाहेब तात्या भानगिरे यांनी अत्यंत नियोजनबद्ध पद्धतीने केले होते. पहाटेपासून सुरु झालेल्या या स्पर्धेला प्रचंड उत्साह, शिस्त आणि स्पर्धात्मक उर्मीचा अप्रतिम संगम अनुभवायला मिळाला. रेस ट्रॅकवर बैलांच्या टापांचा आवाज, मालकांचा जल्लोष, आणि प्रेक्षकांच्या आरोळ्या—हा सगळाच माहोल अविस्मरणीय होता.
शर्यतीदरम्यान प्रत्येक फेऱ्यात उत्कंठा शिगेला पोहोचत होती. प्रत्येक बैल जोडीनं आपलं कौशल्य, ताकद आणि जोश दाखवत अव्वल ठरण्यासाठी जीव ओतून धावत होती. दिवसभर वातावरणात अगदी उत्साहाची लाट उसळलेली होती.
स्पर्धेचा निकालही तेवढाच रोमांचक—
• प्रथम क्रमांक : जय गणेश प्रसन्न – महाराष्ट्र केसरी दत्ता गायकवाड
• द्वितीय क्रमांक : निसर्ग गार्डन, कात्रज
• तृतीय क्रमांक : नाथ साहेब प्रसन्न – मोहिलशेठ धुमाळ
• चतुर्थ क्रमांक : पीर साहेब प्रसन्न – सुभाष दादा मोडक
• पाचवा क्रमांक : श्री कन्या – प्रमोद शेठ घुले पाटील
• सहावा क्रमांक : जीवन भानगिरे
• सातवा क्रमांक : काळ भैरवनाथ प्रसन्न – उरुळी देवाची

ही स्पर्धा केवळ बैलगाड्यांची नव्हती… ती होती परंपरेची गोडी, मैदानावरील जोश आणि हडपसरकरांच्या हृदयातल्या संस्कृतीचा उत्सव. माझ्यासाठी हा वाढदिवस यापेक्षा मोठी भेट असूच शकत नाही.

पुणे शहरात रविवारी एक वेगळीच सामाजिक आणि सांस्कृतिक चळवळ अनुभवायला मिळाली. शिवसेना शहरप्रमुख प्रमोद नाना भानगिरे यांनी महिलांसाठी एक विशेष उपक्रम राबवत “द केरला स्टोरी” या चर्चित चित्रपटाचा मोफत शो आयोजित केला. दिनांक ७ मे २०२३, दुपारी १ वाजता, दोराबजी मॉलमधील आयनॉक्स थिएटरमध्ये हा विशेष शो पार पडला.
या उपक्रमामागचा उद्देश केवळ मनोरंजन नव्हता—महिलांना जागरूकता, सुरक्षितता आणि समाजातील धोकादायक प्रवृत्तींची जाणीव करून देणे हा फार मोठा हेतू होता. द केरला स्टोरी हा चित्रपट स्त्रियांवरील अन्याय, फसवणूक आणि कट्टरतेच्या जाळ्यातून उगवणारी हकिगत उलगडतो. अनेक कुटुंबांनी, विशेषत: महिला भगिनींनी हा चित्रपट पाहून समाजातील वास्तव अधिक स्पष्टपणे जाणलं.
शोची घोषणा होताच शहरातील महिलांकडून जबरदस्त प्रतिसाद मिळाला. आयनॉक्स थिएटरच्या बाहेर सकाळपासूनच रांगा लागल्या होत्या. अनेक महिला भगिनींनी प्रमोद नाना भानगिरे यांच्या या उपक्रमाचं कौतुक केलं, कारण अशा संवेदनशील विषयांवर महिलांना चित्रपटाद्वारे जागृती मिळणं अत्यंत महत्त्वाचं आहे.
प्रमोद नाना यांनी स्वतः उपस्थित राहून महिलांची भेट घेतली, त्यांच्याशी संवाद साधला आणि त्यांच्या सुरक्षिततेबद्दल, आत्मविश्वासाबद्दल आणि सामाजिक जाणिवेबद्दल प्रोत्साहन दिलं. अनेक महिलांनी चित्रपटानंतर भावना व्यक्त करताना सांगितलं की—अशा उपक्रमांमुळे महिलांना समाजात उभं राहण्याची ताकद मिळते.
या शोमुळे पुणे शहरात एक सकारात्मक संदेश पोहोचला—महिला सुरक्षितता ही समाजाची सामूहिक जबाबदारी, आणि अशा उपक्रमांनी महिलांच्या मनात चेतना निर्माण होते.

धर्मवीर आनंद दिघे दहीहंडी उत्सव 2023 हा हडपसर परिसरात उत्साह, भक्ती आणि परंपरेचा संगम घडवून आणणारा भव्य सोहळा ठरत आहे. परंपरागत रंग, ढोल-ताशांचा गजर, गोपाळकाला संघांची उमेद आणि श्रीकृष्ण जन्माष्टमीची आनंदमयी वातावरणनिर्मिती या सर्वांचा एक सुंदर मिलाफ या उत्सवातून अनुभवायला मिळतो.

महेंद्र गायकवाड ठरला यंदाचा सेनाकेसरी 2024, पृथ्वीराज मोहोळवर मात करीत कोरले चांदीच्या गदेवर नाव..!!🚩

महेंद्र गायकवाड हा मानाच्या राज्यस्तरीय सेना केसरी कुस्ती स्पर्धेचा काल रात्री चुरशी च्या झालेल्या स्पर्धेत मानकरी ठरला आहे. पृथ्वीराज मोहोळ आणि महेंद्र गायकवाड या मोठ्या कुस्तीपटूंमध्ये ही अत्यंत अटीतटीची स्पर्धा रंगली. महेंद्र गायकवाड याने पृथ्वीराज मोहोळवर चुरशीची एकतर्फी मात देऊन मानाचा ‘सेना केसरी 2024 किताब’ पहिल्यांदाच पटकावला आहे. अत्यंत कडव्या झालेल्या लढतीत गायकवाड याने मोहोळला धूळ चारत बुलेटसह मानाची गदा पटकावली. हडपसरच्या हिंदुहृदयसम्राट स्व. बाळासाहेब ठाकरे क्रीडांगणावर या स्पर्धा पार पडल्या. राज्यातील जवळपास 600 पैलवानांनी यात सहभाग घेतला होता. महाराष्ट्राचे मुख्यमंत्री एकनाथ शिंदे यांच्या वाढदिवसानिमित्त पुणे शिवसेना शहरप्रमुख यांनी या भव्य राज्यस्तरीय स्पर्धेचे आयोजन केले होते,महाराष्ट्र कुस्तीगीर परिषद यांच्या मान्यतेने या भव्य स्पर्धा पडल्या. शिवसेना पक्षाचे मुख्य प्रतोद आ.भरतशेठ गोगावले, माजी खासदार शिवाजीराव आढळराव पाटील, शिवसेना उपनेते इरफान सय्यद बाळासाहेब तात्या भानगिरे व माझ्या हस्ते पुण्याचा विजयी पैलवान महेंद्र गायकवाड याला पाच लक्ष रोख इनामासह, सेनाकेसरी किताब,सुपर बुलेट गाडी आणि मानाची चांदीची गदा बहाल करण्यात आली. तर सोबतच उपविजेता मल्ल पृथ्वीराज मोहोळ याला तीन लक्ष रोख, उपसेनाकेसरी किताब देवून गौरविण्यात आले. महेंद्र गायकवाड आणि पृथ्वीराज मोहोळ यांच्यात झालेल्या मातीवरील निकाली कुस्तीत महेंद्रने प्रतिस्पर्धी पृथ्वीराज या मल्लावर मात करत सेना केसरीचा किताब आपल्या नावावर केला. पृथ्वीराज मोहोळच्या उजव्या पायाला जोरात झटका बसला तरीही तो मोठ्या जोशात ही कुस्ती खेळला.